Tia Fredes

Kazetarientzako oinarrizko erramintak

itxaso — Tue, 01 Dec 2009 11:51:44 +0000

Jose Luis Orihuelak oso ondo azaltzen du post honetan zeintzuk diren, adibide eta guzti. Halere nik zerrenda luzatuko dut euskarazko baliabideekin:

Blog kudeatzaileak

Blogger eta Worpress ondo daude, baina Euskaraz beste zenbait plataforma daukagu:

Blogari: Eskola eta ikastoletan uste dut nagusienetakoa dela/zela, plataforman mugumendu gutxi ikusten dut orain.

Nireblog: Hizkuntz anistasunaren adibide

Blogak.com: CodeYyntax enpresak kudeatutako plataforma

Filtroak:

Digg eta Meneame oso potenteak dira, baina euskaraz ere beste bi adibide daukagu: Zabaldu, eta Eitbk sustatzen duen Aupatu. Biak kontsultatuz etxean gertatzen ari denaz ohartuko gara. Bietan erabiltzaileen bozketaz berri garrantsitzuenak edo interesgarrienak lehenengo planora igotzen dira.

Mapak

Tagzania: mapak CdeSiyntaz-en eskutik,

OpenStreetMap: OpenStreetMapek kaleak bezalako datu geografiko libreak sortu eta aurkezten ditu hauek nahi dituen edonorentzat. Proiektua hasi zen askeak direla uste diren mapek badutelako bere erabilerarako murrizketa legal edo teknikoak, gendea datu hauek modu sortzaile, produktibo edo beste era batera erabiltzea ekidituz.

Laster Marken kudeaketa

Delicius oso ona bada ere, euskaraz saiakera bat egin zen: Bildu

Bideoak

Euskal bideoen YouTube: EuskalTube

Argazki eta idudi bilatzaileak

Sareak

itxaso — Tue, 01 Dec 2009 09:55:22 +0000

Guk blogetaz hitz egiten, eda dagoeneko modan daudenak SAREAk dira. Denok daukagu soslaia Facebooken edo Tuenti, baina ezagutzen dituzue lan sareak, edota profesionales sareak? hemen adibide batzuk:

Cinemavip: ikusentzunezkoen sare profesionala. Azalpen bat hemen

Linkedin: Sare profesionala, oso indartsua

Xing: Europan oso hedatua

Lana bilatzeko, profesionalak harremanetan ipintzeko, lan merkatua ezagutzeko, aukera aunitz ematen digute lan sareak. Soslaia betetzerakoan kontuz ibili behar da, eta ahalik eta informazio zehatz eta egiazkoena sartu, gure bisita txartela izango baita.

Bibliografia kudeatzaileak

itxaso — Mon, 30 Nov 2009 16:49:18 +0000

Zotero berritu dute, 2.0 bertsioa online sinkronizazioa dakar, beraz, etxean, unibertsitatean eta edonon zure bibliografia kudeatzeko aproposa, euskaratu beharko dugu, oraindik ez baitadago gure hizkuntzan. Mendelay ere probatu beharko dugu, last.fm-ren ildotik doan aplikazioa omen da, hemen azaltzen digute nola erabili. CiteULike aukera ona da gure aurkikuntzak gordetzeko (erabilpenaren azalpena, hemen) eta konpartitzeko, nahiz eta gero gure lanak idazterakoan eskuz sartu behar ditugu gure zitak.

Aurpegiak

itxaso — Tue, 12 Jun 2007 11:54:07 +0000

Bideo hau aurkitu nuen lehengo egunean eta polita iruditu zitzaidan. Nola aldatzen diren gauzak, kamarada.

Nondik: Mujeres TIC

Hiztegiak

itxaso — Mon, 04 Jun 2007 17:01:03 +0000

Azken egun hauetan Firefoxen daukadan euskalbarra ez dabil ondo, gaurkotu nuenetik blokeatuta gelditzen da eta ez dago modurik aurrera egiteko. Hala ere, beste baliabide batzuk topatu nituen aspaldin sarean, hiztegiak adibidez, honetan hiztegiak, corpusak, kontsultak egiteko orrialdeak etabar topa dezakegu.

Horien artean Euskalterm aurkitzen dugu, terminologia banku publikoa, non UZEIko hiztegien fitxa terminologikoak aurki ditzakegu. Beste lotura interesgarri bat EHUk eskaintzen duen ereduzko prosa gaur da, hitzen erabilera ikusteko. Ibon Sarasolaren Euskal Hiztegiak erreferentzia da ere prosaren azterketan, baian nik ez dut sarean aurkitu oraindik, eta PDFan daukat ordenadorean.

EHUren orrialdean ere Azpidazki aurkitzen dugu: adibideak, dudak, hiztegiak, dokumentuen txantiloiak. .. Artez Euskara Zerbitzuak ere badauka agirien biltegi bat: Agiriak.net.

Oraindik ez baduzu topatu behar zenuena, eman bueltatxo bat euskaljakintzatik , bertan euskarazko baliabideen bildumarik osatuena aurkituko duzu.

Hemeroteka

itxaso — Tue, 01 May 2007 10:42:15 +0000

Lagun batek bidali zizkidan aspaldian lotura hauek: Eguna, Ibaizabal eta Euskalzale.
Bizkaiko Foru Aldundiak lan polita egin du. Orain gure ordenagailutik kontsulta dezakegu Bizkaian euskaraz argitaratutako lehen egunkari eta astekariak. Armiarmakoek ere zer esan handia izan dute lan honetan, eta Hemerotekara jotzen badugu, artxibo handiagoa aurkituko dugu. Eta bilaketak egiteko tresna izugarri interesgarria, hitzak aukeratuz, datak, egileak, argitalpenak…

Euskal prentsaren historia ikertzeko ezinbesteko tresna

Bibliografia

itxaso — Thu, 12 Apr 2007 13:03:51 +0000

Tesiarekin hasi nintzenetik liburuen fitxa bibliografiko dezente egin ditut. Nahiko desordenatuta naizenez, metodo bat finkatzea asko kostatu zait. Egia esanda, oraindik ez daukat metodo bat, metodo definitiboa. Nire zuzendariak End Note erabiltzeko proposatu dit, baina arazo bat aurkitu diot, askotan ordenadore ezberdinetan egiten dut lan eta gero batu egin behar dira, eta batetik bestera pasatu, eta kopiak egin, … Agian pendrive batetan izango banu errazago izango zen, baina…

Del.iciu.us eta Bildu erabili ditut ere gauza interesgarriak gordetzeko. Lehenengoa ezagutu nuenean dena gordetzen nuen bertan, eta orain kaos bat da nire kontua, bigarrenean gauzak poliki poliki sartzeko aukera emango dit hemendik aurrera.

Beste orrialde hau ere aurkitu nuen aspaldin, citeulike baina oraindik gutxi erabili dut. Aspaldi honetan, eta METODOA aurkitu arte, Googlek eskaintzen duen Docs sistema erabili dut, hau da, kontuan sartu, Doc bat zabaldu, eta bertan liburuaren zitak kopiatu, liburuaren datuak apuntatu, non dagoen adierazi, nork utzi didan ere (horrela bueltatzeko ez dut aitxakirik izango)….

Sistema traketsa, badakit, baina eramangarria, erraza eta konplikaziorik gabekoa. Idazten hasterakoan erabaki beharko dut nola antolatu.

Liburuak

itxaso — Sat, 07 Apr 2007 13:54:50 +0000

Bilbotik buelta bat eman nuen eta hiru liburuekin bueltatu nintzen etxera (euri zaparrada saihesteko sartu nintzen Elkarren)
Bata Euskal Herriko historiaren zati baten islada da, 1936ko gerra zibilari buruzkoa, protagonista batek idatzita. Eta gauza bitxi bateaz konturatu naiz, emakume bakarra agertzen da liburuan, Pasionaria. Dirudienez emakumeak ez ziren protagonista garai horretan. Agian ez zuten gerra egin. Etxean lasai lasai egongo ziren, patxadaz, luxu guztiekin.

Emakume Ahaztuak

itxaso — Sat, 07 Apr 2007 13:46:39 +0000

Tesiarekin hasten naizela, berriz ere, beste blog batean hasi nintzen zenbait apunte gorde nahian. Hala ere, ez zitzaidan batere betetzen bertako tonua, irudia, gaia eta zentzua, eta buelta bat ematea otu zitzaidan.
Aste Santuko opor hauei probetxo pixka bat ateratzeko blog berri hau antolatzea otu zitzaidan. Bertan nire tesiarekin zerikusia daukaten gauzak apuntatuko ditut, baina bestelako kontu batzuk ere. Horien artean, nire izekoaren historia, emakume ahaztuen historiaren islada delako: Tia Fredes