ueu

ueu

Buelta

Bai, bueltatu naiz, oporren ostean. Laster hasiko naiz beraz blog hau berpizten. hemendik ibili naiz abuztuan.

Zatoo

Gaur gai izar bat daukagu blog askotan, Zatoo. Telebista zure ordenadorean, zuzenean. Funtsean programatxo baten bidez telebista kate desberdinak ikusten dira, streaming moduan.

Alta eman eta gero (bakarrik email kontua eta pasahitza) programa instalatu (windows, linux edo macerako dago) eta telebista ikusten hasi. Kalitatea oso ona da, bai irudiaren aldetik eta baita soinuaren aldetik.

Momentuz ez dut aurkitu euskarazko katerik. Zein izango da lehenengoa?

Aurpegiak

Bideo hau aurkitu nuen lehengo egunean eta polita iruditu zitzaidan. Nola aldatzen diren gauzak, kamarada.

Nondik:  Mujeres TIC

Feedburner

Feedburner probatzen ibili naiz gaur goizean, baina oraindik ez dakit zehatz mehatz zertarako erabiliko dudan.  Momentu lelokeri hau idazteko, ia zerbait aldatzen den konfiguratu ostean

Hiztegiak

Azken egun hauetan Firefoxen daukadan euskalbarra ez dabil ondo, gaurkotu nuenetik blokeatuta gelditzen da eta ez dago modurik aurrera egiteko. Hala ere, beste baliabide batzuk topatu nituen aspaldin sarean, hiztegiak adibidez, honetan hiztegiak, corpusak, kontsultak egiteko orrialdeak etabar topa dezakegu.

Horien artean Euskalterm aurkitzen dugu, terminologia banku publikoa, non UZEIko hiztegien fitxa terminologikoak aurki ditzakegu. Beste lotura interesgarri bat EHUk eskaintzen duen ereduzko prosa gaur da, hitzen erabilera ikusteko. Ibon Sarasolaren Euskal Hiztegiak erreferentzia da ere prosaren azterketan, baian nik ez dut sarean aurkitu oraindik, eta PDFan daukat ordenadorean.

EHUren orrialdean ere Azpidazki aurkitzen dugu: adibideak, dudak, hiztegiak, dokumentuen txantiloiak. .. Artez Euskara Zerbitzuak ere badauka agirien biltegi bat: Agiriak.net.

Oraindik ez baduzu topatu behar zenuena, eman bueltatxo bat euskaljakintzatik , bertan euskarazko baliabideen bildumarik osatuena aurkituko duzu.

Blogak 2.0

Gaur Blogak 2.0 ospatzen dira Bilbon. Ni lanean nago eta ezin hurbildu. Goizean zertzelada batzuk topatu ditut sarean. Arratsaldekoak interesatzen zitzaizkidan batez ere, bata emakumeak 2.0 Tiscar Larak zuzenduta, eta besta hezkuntza 2.0, Lorena Fernandezekin. Bien jarraitzailea naiz aspaldidanik, nire bloglines zerrendan daude. pena bat, baina ikasgelan egongo naiz ordubietatik seirak arte. Gauerarte itxaron beharko dut ikusteko zer esan duten.

igoogle

Aspaldian ez dudala ezer idazten, baina liatuta nabil, oso liatuta. Gaur goizean igoogle probatzen eta konfiguratzen ibili naiz. Zure orrialdean nahi hainbeste “katxarro” jarri ondoren, klik batetan dena daukazu eskura; del.icio.us, txat, berriak, erosketen zerrenda, gmail, eta batez ere: LISTA DE COSAS PARA HACER. Uste dut luzeegia aterako zaidala

Euskarazko zerbitzu gutxi aurkitu ditut, agian hortik egongo dira baina ez ditut topatu (bildu, zabaldu etabar) Beste momentu batetan saiatuko naiz bilatzen.

Firefox erabiltzen dut ia beti (BBKko kontua kudeatzeko explorer behar dut baina) fitxa gehiegi neukan lehenengo orrialde bezala konfiguratuta (bloglines, egunkariak…). Igooglen batu ditut hoietako zenbait, gmail, calendar, berriak,

Netvibes ere aukera polita da, baina nik google erabiltzen dut denetarako (batzutan gehiegi)

Hemeroteka

Lagun batek bidali zizkidan aspaldian lotura hauek: Eguna, Ibaizabal eta Euskalzale.
Bizkaiko Foru Aldundiak lan polita egin du. Orain gure ordenagailutik kontsulta dezakegu Bizkaian euskaraz argitaratutako lehen egunkari eta astekariak. Armiarmakoek ere zer esan handia izan dute lan honetan, eta Hemerotekara jotzen badugu, artxibo handiagoa aurkituko dugu. Eta bilaketak egiteko tresna izugarri interesgarria, hitzak aukeratuz, datak, egileak, argitalpenak…

Euskal prentsaren historia ikertzeko ezinbesteko tresna

Hau froga bat da

Benetan, hau froga bat besterik ez da. Blogaren zirrikituak ikertzen ari naiz, eta Youtubetik bideoak nola sartu ikasi egin dut. Eta hor doa nire lehenengo bideoa: Zapalduen Olerkia (Ken7)

Eta bat beharrean horra bigarrena (kasualitate hutsa ez dela izan frogatzeko)